Musmos na Pinagkaitan ng Kasaganaan

Nang tumigil ang gulong ng buhay, may mga taong nadaganan, nalugmok sa putikan, napariwara, dumanas ng pighati at nawalan ng pag-asa. Sanay na tayong marinig ang mga kuwentong-buhay na gaya nito. Ngunit sa kabilang dako, may mga tao pa ring nagpamalas ng tapang sa harap ng mga problema. . . sila ang mga musmos na batang nagtatrabaho imbes na nag-aaral para sa kanilang kinabukasan.

   Sa kahabaan ng mga eskinita sa Maynila, iba’t-ibang mukha ng kahirapan ang makikita. Mga gusgusing bata na hindi mapaghangad ng kariwasaan sa buhay, tama na ang makaraos lamang. Sila ang mga batang trabahador. Mga larawan ng buhay na hindi pinatikim ng kasaganaan. Kaya’t hindi na rin umaasang mapupunta sa ibabaw ng gulong ng buhay.

          Isa si Ambo sa mga batang trabahador ng Maynila. Sa kabila ng matinding dagok na pinagdadaanan, ipinagpapatuloy pa rin ang laban ng buhay. Ang mga musmos na tulad niya ay nagpapakahirap na magtrabaho saanman, kailanman, umaraw man o umulan, maski ano pa iyan, gagawin nila ang lahat kumita lamang ng kaunting halaga ng pera na pagkakasiyahin sa isang araw. Tibay ng loob at tapang ang puhunan para makaangkas sa nakakahilong ikot ng kapalaran.

          Imbes na sila ang magsilbing pag-asa ng bayan, dahil sa kahirapan ay kinakailangan nilang talikuran ang mga libro at magtrabaho. Naisin man nilang punuin ng kaalaman ang kanilang mga isipan, hindi nila magawa. . .Isa lamang si Ambo sa mga halimbawa ng libu-libong bata na nag-aangkin ng iba’t-ibang mukha ng karukhaan na handing bumangon at lumaban. . . Ngunit hanggang saan at kailan sila magtatrabaho at talikuran ang pag-aaral? Marahilang pamahalaan na lamang ang makakaguhit ng kanilang kapalaran. Kung kailan at saan? Walang nakababatid.




References:

            Larawan

Sa Mundo ng Teknolohiya

Nagbago na ang mundo!

Ito na lamang ang aking masasabi dahil sa panahon ngayon, marami nang naglipanang mga digital na gadyet tulad na lamang ng kompyuter na may malaking naitutulong sa araw-araw na pamumuhay. kompyuter ang laging may pinakamalaking naitutulong dahil hindi lamang ito basta isang digital na gadyet, isa itong gamit para sa komunikasyon, pagkuha ng mga impormasyon, larawan, musika at pati na rinmga larong sadyang nakalilibang.

Sa inyong palagay, mapapabilis ba ang ating mga gawain kung wala ang teknolohiya upang tumulong?

Sa larangan ng edukasyon, higit na mas marami ang mapagkukuhanan ng impormasyon lalu na sa mga pananaliksik, mga proyekto, at assignments ng mga estudyante sa kanilang mga asignatura. Sa pamamagitan ng Internet, nakakapunta ang mga estudyante sa mga websites na patungkol sa kanilang nais saliksikin.  Sa Internet din maaaring malaman ang mga pangyayari sa loob at labas ng bansa sa pamamagitan ng mga "online newspapers" ng mga lokal at dayuhang pahayagan. 

Sa mga nagtratrabaho sa mga opisina, mas napapadali ang organisasyon ng mga datos, ang presentasyon ng mga report at ang pagpapasaayos ng mga dokumento sa opisina. Mula sa lumang makinilya, nariyan na ang mga computer na nalalagpasan ang kakayahan nito at nakakagawa ng mas higit pa (maliban na lamang kung walang kuryente). Mas napapadali rin ang transaksyon sa pagitan ng dalawa o higit pang ahensya na nangangailangan sa isang ispesipikong dokumento. Bukod pa rito, higit na mas napapadali ang pagbibigay ng serbisyo publiko. Katulad na lamang sa Land Transportation Office, ang pag-renew ng lisensya sa pagmamaneho ay nakukuha na lamang sa loob ng 45 na minuto mula sa dating araw ang inaabot at minsan ay mas matagal pa dahil sa lagayan sa loob ng ahensya. Nariyan din ang e-card ng GSIS na naglalayon na mapadali ang transaksyon ng bawat myembro nito. 


Tunay nga na naging napakalaking naitulong ng teknolohiya sa ating lahat, ngunit tulad ng iba, maari rin itong magdulot ng masama kung kaya't mag-isip muna bago ito gamitin.


References:


kahalagahan ng tekholohiya

Larawan

Larawan

Larawan

Ang Saya sa Bawat Patak

            "Maabutan ka man ng ulan, at walang masilungan, magpakasaya ka na lamang sa malamig na patak ng ulan."

               Ito ang napanood ko sa isang pelikulang napamahal na sa sambaynan. Sino ba naman ang kayang tiisin na hindi maligo sa ulan? Bata man o matanda, lahat ay nananabik na maligo sa ulan. Tila inaakit nito ang mga nilikha na magtampisaw sa kanyang malamig na tubig.

          Tuwing umuulan, maraming naniniwala na ito ay isang pagpapala mula sa Diyos. Sabi nga sa mga simbahan na lahat ng likhang galing sa Diyos ay may magandang dulot sa mga taong karapat-dapat sa kanyang paningin. At dahil gawa ng Diyos ang ulan, tayong mga nilikha ay nagpapakasaya at nagpapasalamat sa pagpapalang ipinamamahagi Niya sa atin.

            Sa mga batang katulad ko pati na ang mga matatanda, ang paliligo sa ulan ay isa sa mga paboritong gawain sa tuwing ang langit ay magbubuhos ng malalamig na patak ng tubig. karaniwan, ang mga bata ang tuwang-tuwa kapag may ganitong sitwasyon sa kadahilangng nakakapaglaro sila sa tubig. Pakiramdam nila sila ay nasa ilalim ng dagat, lumalangoy at naglalaro. Malamig ang buong paligid kaya kahit anong likot mo ay hindi ka pagpapawisan.

               Kaligayahan ang katumbas ng bawat patak ng malamig na tubig na galing sa langit. Lahat sa paligid mo ay nakangiti at nakatawa. Oras ito ng pahinga. Oras ito ng walang tigil na saya sa bawat patak ng tubig na dulot ay kagalakan at nakahahawang kasiyahan.